Четворицата македонски интернационалци кои настапуваат во Шкотска, попладнево забележаа победи со своите екипи во Лига купот. Давид Бабунски и Кристијан Трапановски беа стартери за екипата на Данди јунајтед во победата од 2-1 над Аир. Токму Бабунски со прекрасен гол од слободен удар го отвори резултатот во 17-тата минута. И Бабунски и Трапановски беа заменети во 64-тата минута.
Давор Здравковски беше стартер во победата на Мадервил на гостински терен над Клајд со 1-3. Нашиот интернационалец во 45-тата минута доби жолт картон, а во 78-мата минута беше заменет.
Победа забележа и екипата на Абердин на гостувањето кај Ист Килбрајд со 0-4, но Бојан Миовски остана на клупата за резерви и не доби шанса за настап. Нашиот репрезентативец е во очекување на трансфер во Серија А, а раководството на Абердин за неговите услуги бара осум милиони евра.
