Македонските репрезентативци со Динамо во јуриш да ја потопат Жолтата подморница
Познати составите за дуелите во Загреб и Амстердам
Хрватскиот првак Динамо Загреб тргнува во поход за ново чудо во Лигата на Европа. Модрите на својот „Максимир“ го пречекуваат шпанскиот Вилјареал во првиот меч од четвртфиналето. Традицијата вели дека Динамо досега во 14 натпревари против шпански екипи има дури 11 порази, две нерешени и само една победа. Тоа што охрабрува е дека токму таа една победа е над Жолтата подморница.
Двајцата македонски репрезентативци, Аријан Адеми и Стефан Ристовски се во стартниот тим на Динамо. Тие двајца играа и во историскиот меч против Тотенхем во победата од 3:0. Според формацијата, Динамо ќе игра 4-2-3-1, додека гостите од Шпанија тргнуваат офанзивно со тројца напаѓачи.
Интересно треба да биде и на дуелот Ајакс – Рома, а домаќините од Амстердам стандардно играат во формација 4-3-3. Душан Тадиќ е главниот адут во нападот на Ајакс, додека на спротивната страна, кај Рома, најистурен во офанзивниот дел ќе биде Един Џеко. Римската волчица ќе игра во формација 3-4-2-1.
