Тениската репрезентација на Македонија после денешниот меч со Летонија, обезбеди место во Втората светска група на Дејвис купот. Македонија во 2010 година последен пат играше во тогашната Втора Евро-африканска зона, што значи и промоција по 15 години.
Клучниот поен го донесе Калин Ивановски со победата над Артурс Жагарс од 6-3, 6-4.
Во првиот сингл меч од последниот ден од Третата Европска група од Дејвис купот Летонија поведе против Македонија после мечот на двајца млади тенисери Рихардс Неиманис (17 години) и Кристијан Јанев (16 години). Нашиот тенисер загуби со 3-6, 3-6.
(Фото: Игор Паневски)
На крајот Летонија победи со 2-1, тие славеа и во дуелот во двојки кој немаше големо значење, па Летонците заедно со Македонија и Црна Гора, ќе играат плејоф за влез во Втората светска зона.
