Легендата на Милан, Паоло Малдини, кој беше и технички директор на клубот, откри дека во 2021 година сакал да го привлече Лионел Меси во составот на Росонерите, но не успеал.
Малдини кога слушнал дека нивниот градски ривал Интер сака да го купи Меси, веднаш тргнал во акција со цел да спречи таков трансфер и да го донесе Меси во Милано, но не во сино-црниот, туку црвено-црниот дрес.
„Бев тажен кога слушнав дека тој може да премине во Интер. Десет дена се обидував да му средам трансфер во Милан, но тоа беше невозможно“, рече Малдини.
Тоа лето Меси од Барса премина во ПСЖ, а сега игра за Интер, но оној од Мајами, па во Милан немаат проблем со тој Интер.
