Манчестер јунајтед го договори својот прв трансфер во летниот преоден рок, откако постигна договор за ангажман на Едерсон од Аталанта.
Бразилскиот играч за врска ќе пристигне на „Олд Трафорд“ за обештетување од 45 милиони евра, а со англискиот гигант ќе потпише четиригодишен договор. Иако трансферот е договорен, Едерсон официјално ќе му се приклучи на тимот во јули.
Според информациите, Манчестер Јунајтед првично ќе исплати 38 милиони фунти, додека преостанатиот дел од сумата ќе биде покриен преку бонуси поврзани со настапите и резултатите.
Ова е првиот потег на тренерот Мајкл Карик во најавената реконструкција на средниот ред на тимот.
🚨💣 BREAKING: Éderson to Manchester United, here we go!
Deal done with Atalanta for €45m package with add-ons included, agreement now in place.
Medical and formal steps to follow but deal in place.
Éderson will sign a four year deal plus option, as @TheAthleticFC reports. pic.twitter.com/NO4qxnbIAV
— Fabrizio Romano (@FabrizioRomano) June 2, 2026
Едерсон пристигна во Аталанта пред четири години од Салернитана за 23 милиони евра. Во дресот на италијанскиот клуб одигра 180 натпревари, постигна 16 голови и запиша шест асистенции.
Досега има и три настапи за Бразил, а од него во Манчестер очекуваат дополнителна цврстина и квалитет во средниот ред пред новата сезона.
