Водечките италијански клубови Рома и Интер подготвуваат размена на четворица играчи, објави „Газета дело спорт“.
Миланскиот клуб покажува сериозен интерес за 25-годишниот француски играч за врска на Рома, Ману Коне, како и за 26-годишниот дефанзивец од Брегот на Слоновата Коска, Еван Н’Дика.
Во спротивна насока, од Милано кон Рим, како дел од оваа зделка би можеле да заминат 27-годишниот бразилски дефанзивец на Интер, Карлос Аугусто, и 26-годишниот италијански играч за врска, Давиде Фратези.
Интер ја освои титулата, додека Рома заврши на третото место на табелата во Серија А во сезоната 2025/26 и исто така ќе учествува во Лигата на шампионите.
