Легендарниот манчестерски стадион „Олд Трафорд“, кој постои дури 114 години, може да добие ново име.
Сер Џим Ретклиф, кој е ко-сопственик на Манчестер јунајтед, сака да му овозможи на клубот целосно дотерување, а „Театарот на соништата“ не е изземен од реконструкцијата. Газдата на Црвените ѓаволи размислувал и за продажба на правата за именување на „Олд Трафорд“ за да ги зголеми своите приходи, или дури и да изгради нов стадион на кој би играл тимот како домаќин.
Уништување на храмот на англискиот фудбал како што е „Олд Трафорд“ не би им се допаднало на навивачите.
Манчестер јунајтед има две алтернативи околу правата за именување на „Олд Трафорд“. Од една страна, постои можност самиот стадион да се реновира и да се задржи името Олд Трафорд, но со име на соработник. Ова е случајот со „Спотифај Камп Ноу“, домот на Барселона. Втората опција е да се изгради нов стадион со целосно ново име. Во Премиер лигата има случаи, на пример, со Арсенал и Манчестер сити, чии стадиони се со имиња на спонзорите „Емирати“ односно „Етихад“.
