Лидерот на Премиер лигата, Манчестер сити, објави загуби од 126 милиони фунти за сезоната 2019/20. Пандемијата од корона-вирус е главна причина за овој огромен финансиски минус.
Граѓаните имале 11 отсто намалување на приходите, а во приходите од 478,4 милиони не се вклучени парите од продажба на играчи. Клубот очекува тешкиот период брзо да заврши и во отчетот за следната сезона да бидат во плус.
Од март до јуни 2020 година беше период без приходи од телевизиски права и продажба на билети и тука се направија загубите, но има и други причини, како доцнењето во исплатата на ратите за продажбата на Лерој Сане во Баерн.
