Арсими минимално со 1:0 го победи Пелистер во меч од 27-мото коло на Прва фудбалска лига на Македонија. Ова може да биде злато вреден триумф за Арсими затоа што стигна до 35 бода и се стационира на седмото место на табелата, кое обезбедува директен спас. Пелистер остана на 26 бода и е на деветтото место кое води во баражот за плејаутот.
Клучниот момент на денешниот дуел се случи во финишот на првото полувреме. Дардишта во 44-тата минута постигна гол кој на крајот се покажа како доволен за освојување на три бода на Арсими.
Пелистер едноставно немаше сили да ја продолжи низата на добри резултати, па откако успеа да ги сопре најдобрите во лигата, славеше над Шкендија во Тетово 2:1 и одигра 0:0 со Вардар во Битола, сега киксира против директниот ривал во борбата за опстанок.
