Пари Сен Жермен вечерва ќе ја продолжи мисијата за одбрана на титулата во Лигата на шампионите и тоа на гости кај Ливерпул. Францускиот првак има предност од 2:0 стекната од првиот меч кој се играше во Париз, што значи дека Ливерпул е тимот кој ќе брка негатива.
Иако предноста е добра, тренерот на ПСЖ, Луис Енрике, знае дека неговите играчи во ниту еден момент не смее да се опуштат и да мислат дека ја завршиле работата. За да се пласираат во полуфиналето на ЛШ, играчите на ПСЖ мора да бидат фокусирани во текот на сите 90 минути на легендарниот англиски стадион.
„Ни престои тежок меч. Фудбалот стана таков што натпреварите многу брзо може да се променат. Затоа мора да бидеме фокусирани и не смееме да дозволиме брзо да примиме гол. Мора сигурно да го започнеме дуелот, но тоа нема да биде клучот на играта. Знам колку е тешко да се игра на Енфилд роуд, но тоа треба да биде дополнителна мотивација за нас. Имаме самодоверба и знаеме како треба да се одигра на вакви натпревари“, вели Енрике.
