Напаѓачот на Баерн Минхен, Садио Мане, сака по само една сезона во Бундеслигата, да се врати во Ливерпул, пишуваат англиските медиуми.
Според медиумите, Мане е незадоволен во Германија, не се снајде најдобро во Баерн, а инцидентот во соблекувалната и ударот на Лерој Сане по поразот од Манчестер сити во четвртфиналето од ЛШ е последица од фрустрациите на Сенегалецот.
Наводно, негова желба е да се врати назад во Ливерпул за кого играше шест години пред минатото лето да се пресели во Баерн.
Ниту баварците немаат ништо против оваа идеја и се подготвени за 20-тина милиони евра да продадат на Ливерпул. Мане е толку очаен да се врати на „Енфилд“ што е подготвен да се откаже од дел од платата, но прашање е дали Ливерпул е заинтересиран за него.
Црвените минатото лето веќе донесоа замени за Сенегалецот, Дарвин Нуњес беше купен од Бенфика, а Коди Гакпо од ПСВ, а тука е и Луис Дијас кој конечно се опорави по тешката повреда.
