Мохамед Салах има актуелен договор со Ливерпул до 2023 година, но Црвените од „Енфид роуд“ сакаат да го задржат и според англиските медиуми, ќе мораат да му понудат неделна плата од 500.000 фунти за продолжување на договорот.
Толкави се барањата на Салах и неговиот менаџер, а ако Ливерпул прифати, тогаш Фараонот ќе го стигне Кристијано Роналдо и ќе биде најплатен играч со него во Премиер лигата.
Роналдо има околу 500 илјади фунти неделни приходи во Манчестер јунајтед, а блиску е и Кевин де Бројне од Манчестер сити, па Салах би се вметнал меѓу нив.
Египќанецот игра феноменален фудбал подолг период, а во редовите на Ливерпул пристигна од Рома во 2017 година, во трансфер што чинеше околу 43 милиони фунти.
Со Ливерпул освои четири пехари, од кои двата во Лигата на шампионите и во Премиер лигата се исклучително важни и вредни и за него и за клубот.
Има и цела низа од индивидуални признанија, а постојано е во врвот на англиското првенство како еден од најдобрите стрелци во една од најсилните фудбалски лиги на светот.
