Денвер нагетс е во исчекување на најголемиот успех во клупската историја, а тоа е освојување на првата НБА титула. Тимот кој е предводен од српскиот центар Никола Јокиќ води со 1:0 во победи против Мајами, а шампион ќе биде екипата која прва ќе стигне до четири триумфи.
Атмосферата во Денвер е загреана на највисоко ниво, а меѓу најзаслужните за тоа е и маскотата на клубот. Популарниот Роки е најплатениот забавувач во НБА лигата и има феноменална годишна плата од 625.000 долари.
Веднаш зад маскотата на Денвер, е маскотата на Атланта хоукс. Популарниот Хари годишно добива по 600.000 долари за да ги забавува гледачите во салата во Атланта.
Следен на оваа листа е бикот Бени од Чикаго кој годишно добива 400.000 долари, додека горилата Го на Феникс санс е со годишна заработувачка од 200.000 долари. Во Топ 5 е и маскотата на Шарлот, стршленот Хуго кој годишно заработува 100.000 долари.
Rocky the Mountain Lion earns more than 10 times the average pay for professional NBA mascots (around $60k).
(h/t @SBJ) pic.twitter.com/IUodSByGgg
— Boardroom (@boardroom) October 2, 2022