Репрезентацијата на Данска се пласираше во полуфиналето на ракометниот турнир на ЛОИ во Париз. Во драматичен меч, Данска минимално со 32:31 ја победи Шведска.
Швеѓаните први поведоа со два гола предност, но потоа Данска заигра многу подобро и во еден момент стигна до предност од четири гола (10:6). Сепак ова водство кратко траеше, а Швеѓаните со агресивна игра стигнаа до 16:16 на полувреме.
Во второто полувреме најчесто се играше гол за гол, а Данска во финишот стигна до два гола предност од 32:30.
Потоа Шведска погоди, а на спротивната страна Хансен промаши пенал за Данска, па драмата продолжи до последниот напад на Шведска. Бергендал шутираше, а Нилсен одбрани и Данска победи и се приклучи на Шведска и Германија во полуфиналето на Игрите.
