Кошаркарите на Мемфис гризлис се нови рекордери во НБА-лигата по неверојатната победа од 152:79 против Оклахма сити тандер, а разликата од 73 поени е најголема на меч од најсилната кошаркарска лига на светот.
Претходниот рекорд беше во сопственост на Кливленд кавалирс со триумф од 68 поени разлика против Мајами хит, со резултат 148:80 постигнат во 1991 година.
NBA Record: Margin of victory
Franchise Record: Margin of victory
Franchise Record: Most points
Franchise Record: Most bench points
Franchise Record: Assists
Franchise Record: FG%
Franchise Record: Largest lead
Franchise Record: +/- rating (@santialdama) pic.twitter.com/o35jyyTsqc— Memphis Grizzlies (@memgrizz) December 3, 2021
Подвигот на популарните Мечки на Мемфис е уште поголем ако се знае дека постигнаа историска победа без најголемата ѕвезда во тимот Џа Морант, кој не игра поради повреда.
Ноќта беше и за многу клупски рекорди за Мемфис, а екипата постигна најмногу поени откако постои, имаа рекорден број поени на резервните играчи, асистенции, најголема предност во текот на еден меч, најдобар процент на удари…
И што е уште поинтересно, имаа само еден кошаркар што даде над 20 поени и дури деветмина со двоцифрен број поени.
Во историската, клупска и НБА ноќ, Мемфис го предводеше Џарен Џексон со 27 поени, а одлични беа и Мелтон со 19, Алдама со 18 и Кончар со 17 поени.
Кај гостите, Лугенц Дорт беше најефикасен со 15 поени, а Оклахома за малку ќе постигнеше и помалку поени од вкупната разлика на мечот.
Ноќеска повторно блескаа вицешампионите од Феникс и Сонцата имаат пред себе мисија да победат уште двапати за да го урнат клупскиот рекорд од 18 победи по ред.
Феникс беше убедлив против Детроит и победи со 114:103, што им е 17-ти триумф во низа.
Резултати: Њујорк – Чикаго 115:119, Торонто – Милвоки 97:93, Мемфис – Оклахома 152:79, Феникс – Детроит 114:103, Портланд – Сан Антонио 83:114.
