Лео Меси додаде уште една награда во својата богата колекција. Тој е добитник на награда Лауреус за најдобар спортист на светот. Во свечениот говор по повод наградата тој ги спомена само Аргентина и Барселона, а сосема го изостави ПСЖ, што предизвика еуфорија кај навивачите на “каталонскиот“ клуб на социјалните мрежи.
– “Ви благодарам за наградата. Задоволство е да се биде овде помеѓу сите останати спортисти. Секогаш е убаво кога ќе добиете вакво признание, но фудбалот е екипен спорт. Го исполнив мојот најголем сон – да освојам Светско првенство со Аргентина. Тоа ме чинеше многу, но успеав пред крајот на мојата кариера. Имав доста среќни моменти со Барселона и многу тага со националниот тим, имаше многу пречки, но сето тоа само ме направи подобар.“ – изјави Меси.
На свеченоста во Париз награда доби и Роберт Левандовски за рекородот кој го урна во Бундес лигата, а моментот го искористија за да поразговараат со Меси, што само уште повеќе ги подгреа надежите на навивачите на Барселона за неговото враќање на Ноу Камп.
https://twitter.com/AlbicelesteTalk/status/1655614711805759490?s=20
