Милан промашуваше зицери, на крајот се тресеше за победа против Салернитана (Видео)

Актуелниот шампион на Италија, Милан, успеа да ја забележи првата победа во првиот меч во Новата година, а иако имаше предност од 2:0 и промаши многу шанси, на крајот стравуваше за бодовите.

Росонерите беа доминантни на теренот повеќе од 80 минути и со головите на Рафаел Леао и на Сандро Тонали во 10-тата и во 15-тата минута имаа сигурна предност од 2:0 во Салерно.

Потоа им беше поништен голот на Брахим Дијас поради офсајд, а Салернитана постигна гол за 1:2 преку Бонацоли во 83-тата минута како најава за возбудлив финиш.

GOAL | SALERNITANA 1-2 MILAN

⚽ Bonazzoli

🅰️ Coulibaly#SerieA #SALMILhttps://t.co/ZTYbXkElRN

— Footy Hub (@Footyhub01) January 4, 2023

Сепак, Милан успеа да ја задржи предноста иако извонредниот дебитант кај Салернитана, Гилјермо Очоа, бранеше одлично.

Во вториот меч што се играше денеска од 12.30 часот, и Сампдорија славеше со 2:1 на гости против Сасуоло.

Денеска се играат уште 8 меча од 16-тото коло во Калчото, прво во 2023 година.