Првото полувреме во големото дерби кое се игра во рамки на деветтото коло во Серија А меѓу Милан и Јувентус заврши без голови, но целото второ полувреме Росонерите ќе го играат со играч помалку по исклучувањето на Малик Тиав откако како последен играч во одбраната, го фаулираше Кин.
https://twitter.com/i/status/1716174913919201337
Росонерите во дербито влегоа со серија од четири победи по ред во Серија А, додека Јувентус не прими гол на последните три меча.
Во првото полувреме подобри беа играчите на Милан имаа поголем посед на топката (64%-36%) и повеќе корнери (4-1), но не успеаја да го совладаат голманот на Јувентус, Војчех Шчесни.
Најдобрата шанса ја имаше Оливие Жиру во 16-та минута, но неговиот удар со глава го одбрани Шчесни.
Јувентус првпат се закани во 23-та минута кога Костиќ шутираше од работ на шеснаесетникот, но топката помина покрај десната статива, а во 43-та минута Моисе Кин исто така шутираше покрај голот на Миранте.
