Екипите на Милан и на Реал Мадрид обезбедија пласман во полуфиналето во Лигата на шампионите.
Росонерите одиграа 1:1 во Неапол против Наполи, додека Реал Мадрид на „Стемфорд бриџ“ славеше со 2:0.
Наполи до пред еден месец изгледаше непобедливо, сè до дуелите со Милан кои покажаа дека го имаат рецептот за успех. Росонерите прво во рамките на Серија А славеа со убедливи 4:0, и тоа во Неапол, па минатата недела си обезбедија минимална предност пред вечерашниот дуел. Вечерва одиграа 1:1 и со вкупен резултат 2:1 си обезбедија полуфинале.
https://twitter.com/i/status/1648412812509577217
Наполи офанзивно тргна кон голот на Мајк Мањан, создаде неколку шанси, но не успеа да ја затресе мрежата, по што казната стигна на спротивната страна. Прво во 22-рата минута Оливие Жиру не реализира пенал, но Французинот успеа да се извади за промашувањето, и тоа во 43-тата минута, кога на асистенција на Рафаел Леао го отвори резултатот.
Леао и во првиот натпревар асистираше при постигнувањето на голот, а тогаш стрелец беше Бенасер, и тоа во 40-тата минута.
Во второто полувреме, Наполи во финишот имаше шанса да се врати во игра, кога во 82-рата минута судијата Симон Марчињак досуди пенал.
GOAL | Napoli 1-1 Milan | Osimhenpic.twitter.com/3zichX74ni
— VAR Tático (@vartatico) April 18, 2023
Голманот на Милан, Мајк Мањан, успеа да го одбрани пеналот на Хвича Кварацхелија. Наполи во судиското продолжение успеа да постигне гол преку Виктор Осимен, кој беше недоволен и Милан ќе игра во полуфиналето во ЛШ, прво за Росонерите по 2007 година, кога и ја освоија седмата европска титула.
Милан во полуфиналето ќе игра против победникот од дуелот меѓу Интер и Бенфика каде што по првиот дуел Нераѕурите имаат предност од 0:2.
https://twitter.com/i/status/1648422835524894721
Реал Мадрид ја продолжува одбраната на титулата откако и во реваншот на „Стемфорд бриџ“ славеше со 2:0 против Челзи и со вкупни 4:0 обезбеди пласман во полуфиналето.
Човек на одлука за Кралевите беше Бразилецот Родриго, кој ги постигна двата гола на натпреварот и тоа во вториот дел. Прво во 58-мата минута го отвори резултатот, а потоа во 80-тата ја завери победата.
GOAL | Chelsea 0-2 Real Madrid | Rodrygopic.twitter.com/LAw6sLUMms
— VAR Tático (@vartatico) April 18, 2023
Реал Мадрид во полуфиналето го очекува пресметка со подобриот од двомечот меѓу Манчестер сити – Баерн Минхен. Првиот дуел заврши со триумф на Граѓаните од 3:0.
