Томас Милер цели 16 сезони беше дел од првата екипа на Баерн Минхен откако дебитираше во 2009 година, а претходно ги мина и сите младински категории на Баварците. Сепак, дојде време за разделба, па 35-годишниот напаѓач е на крстопат.
Голем број понуди пристигнуваат на адресата на германскиот напаѓач. Најбогати, секако, се оние од Саудиска Арабија, но најголеми шанси имаше МЛС-лигата и екипата на Лос Анџелес.
Сепак, се чини сега во прв план изби екипата на Сиднеј од Австралија. Тие не можат да му понудат богат договор како во САД и Саудиска Арабија, но можат да му понудат промена на животниот стил, а откако му презентирале што му нудат, Милер е заинтересиран за преселба во австралиската А-лига.
Екипите во Австралија може да ангажираат по двајца фудбалери чии плати не влегуваат во пресметката за „салари кап“, па еден од нив во Сиднеј треба да биде токму Томас Милер.
