Македонската фудбалска репрезентација од 17 часот во Прага ќе се соочи со Саудиска Арабија, селекција која редовно настапува на светските првенства. Ова ќе биде трет нивен меѓусебен дуел, а Црвено-жолтите ќе ја бараат првата победа против овој азиски противник.
Селекторот Благоја Милевски ги одреди почетните единаесетмина, во кои ги нема стандардните Елмас, Барди, Миовски и Чурлинов. Затоа пак дебитантски настап за Македонија ќе има Лука Станковски.
