Ливерпул со 2:0 го победи Вилјареал во првиот меч од полуфиналето во Лигата на шампионите, а домаќинот во растојание од 133 секунди ги постигна двата гола. Првиот погодок беше со многу среќа и е запишан како автогол, додека вториот погодок е дело на Садио Мане.
Токму за погодокот на Мане, гостите бараа офсајд, па мораше да решава ВАР-системот.
По направената пресметка, можеби само еден милиметар одлучи дека Мане е во дозволена позиција и голот за 2:0 се покажа како регуларен.
