Кристијано Роналдо не успеа да постигне гол во дебито за Ал-Наср против Ал-Етифак, но неговиот настап секако е најкоментиран. Португалецот имаше потег со кој успеа буквално да го седне противникот на земја и ги воодушеви фановите кои беа на трибините.
Сепак, во дебито на Роналдо беа „пронајдени“ и неколку моменти во кои критичарите сакаат да ја потврдат тезата дека Кристијано веќе не е во врвна форма и дека веќе навистина нема сили да се натпреварува во најсилните лиги во Европа.
„Роналдо не може да помине ни еден играч во Саудиска Арабија“, беше само еден од коментарите на социјалните мрежи по една неуспешна акција на Португалецот.
Ronaldo can’t even dribble pass Alhajis in the desert league pic.twitter.com/6z0dTlFuiQ
— Jäff (@abrabor_) January 22, 2023
Во друг случај, на Роналдо лесно му беше одземена топката и делуваше како противничките играчи да немаат проблем да се справат со петкратниот освојувач на Златната топка.
