Напаѓачот на Милан, Алваро Мората, ја коментираше победата над Реал Мадрид со 1-3 во натпреварот од Лигата на шампионите.
„Реал Мадрид е одличен тим. Моравме да направиме сериозни жртви и многу да трчаме, работевме заедно за доброто на тимот. Кога се бориме на теренот како 11 лавови, никому не му е лесно да нѐ победи“, изјави Мората за сајтот на УЕФА.
Реал има шест бода и се наоѓа на 17-тото место на табелата. Милан со еднаков број бодови е на 18-тата позиција на моменталното рангирање во Лигата на шампионите.
