Легендарниот италијански дефанзивец, Леонардо Бонучи, после само една полусезона во Бундес лигата, зимава се враќа дома. Тој во изјава за “Кориере дело спорт“ најави дека сака да се врати во Италија, а веќе има и заинетересирана екипа за неговите услуги.
Бонучи има договор со Унион Берлин до крајот на тековнава сезона, но клубот нема да му прави проблеми. Неговата моментална вредност е само 1.5 милиони евра, со оглед на возраста, а екипата на Рома и тренерот Жозе Мурињо сакаат веднаш да го ангажираат поранешниот италијански репрезентативец.
36-годишниот дефанзивец минатото лето како големо засилување пристигна во Берлин, но одигра само 10 натпревари и постигна еден погодок.
