На Серхио Рамос откако му заврши договорот со ПСЖ, тој е слободен играч. Тој долго тактизираше и ги држеше на чекање понудите од Ал-Итихад, Интер Мајами, но и клубови од Турција. Рамос постојано изјавуваше дека неговата желба е да се врати во матичниот клуб Севиља и таму да ја заврши кариерата.
Неговите желби не наидуваа на позитивен одговор од раководството на клубот, кој летово западна во големи финансиски проблеми, но веројатно во последен момент се случи пресврт. Како што објавува експертот за трансфер, Фабрицио Романо, договорот помеѓу Севиља и Рамос е постигнат и сега се очекува само официјалната промоција.
Sergio Ramos to Sevilla, here we go! The verbal agreement has been reached on short term deal — despite proposals on the table from Al Ittihad and also Turkish clubs 🚨⚪️🔴 #Sevilla
Ramos, back to Sevilla after 18 years. pic.twitter.com/VN1cy8NPCh
— Fabrizio Romano (@FabrizioRomano) September 3, 2023
Серхио Рамос ја мина академијата на Севиља и во сезоната 2004/2005 дебитираше за првата екипата на клубот од Андалузија, а веднаш потоа премина во Реал Мадрид, каде што стана вистинска легенда, пред да се пресели во ПСЖ во 2021 година.
