Најчестата комбинација на опрема со која игра фудбалската репрезентација на Бразил, е жолт дрес, сини гаќички и бели чорапи.
Но, бидејќи Хрватите денеска ќе носат бели гаќички и чорапи, Бразилците се приморани да носат и темни (сини) чорапи, а тоа не им се допаѓа на суеверните. Кариоките на Мундијалот во Катар само еднаш носеа сини чорапи, против Камерун, и загубија, па стравуваат дека истиот шок може да им биде приреден и денеска против Хрватска.
На Бразилците нема да им биде првпат да играат против Хрватска со сини чорапи, тоа се случи и во 2006 година.
Инаку, и Аргентинците во Катар за првпат ќе играат со бели гаќички, наместо темно сини како досега. Холандија ќе биде во портокалово од „глава до пета“.
