Рафаел Надал кој со 14 титули е рекордер на Ролан Гарос, сезонава е елиминиран во првото коло на вториот годинешен гранслем-турнир.
Ова е првпат во неговата трофејна кариера Надал да загуби во првото коло на омилениот гранслем-турнир.
✅ 112 victoires
❌ 4 défaites
🏆 14 titresL’un des plus grands records de l’histoire du sport. ⭐️
La dernière sortie de Rafael Nadal à #RolandGarros ? 🥹pic.twitter.com/1rCLwEmSvr
— Univers Tennis 🎾 (@UniversTennis) May 27, 2024
Подобар од Надал беше четвртиот тенисер на АТП ранг-листата, Александер Зверев во три сета и тоа со 6:3,7:6,6:3.
Зверев победата ја најави уште во првиот гем од мечот правејќи брејк ниту еден загубен поен. Германецот сетот го потврди во деветтиот гем кога уште еднаш го одзеде сервисот на Надал за 6:3.
Во вториот сет, Надал одигра далеку подобро и веќе во петтиот гем направи брејк за 3:2. Но, во десеттиот гем кога сервираше за израмнување на 1-1 во сетови, Зверев успеа да се врати, направи брејк и потоа сетот го однесе во тај-брејкот.
Во одлучувачкиот гем, Зверев беше подобар, поведе со 6:4, но не ја искористи првата сет топка, туку втората за 7:5 и водство од 2-0 во сетови.
И во третиот сет Зверев беше подобар и на крајот сосема заслужено славеше со 6:3 и во само три сета го победи кралот на земјените терени.
