Домаќинот на Европското првенство, Германија, имаше старт како од соништата и со убедливи 5-1 ја декласираа Шкотска, чии фудбалери на крајот може и да бидат задоволни, бидејќи според играта германците можеа да победат и со многу поубедлив резултат.
Шкотите постигнаа гол без да шутнат кон голот на Германија, бидејќи Ридигер си постигна автогол.
„Среќен сум. Задоволен сум. Не е лесно да се одигра првиот натпревар на домашен терен. Во првите 20 минути бевме фантастични. Примивме гол, но тоа не е важно. Одличен знак е дека моите фудбалери беа бесни поради тоа. Морам да признаам дека малку сум изненаден од играта на Шкотска. Очекував дека ќе бидат поагресивни во првите 20 минути. Мислам дека дека беа изненадени од нашата игра. Се бранеа длабоко и не вршеа притисок како што го правеа тоа во квалификациите.“ – рече селекторот на Германија, Јулијан Нагелсман.
