Екипата на Еурофарм Пелистер за ракометари до 18 години се пласира во финалето на групата што се игра во Пореч, Хрватска, од ЕХФ Младинскиот клупски трофеј, што е своевидна Лигата на шампионите за млади.
Ако го добие и тој меч против Фуксе Берлин, битолскиот тим ќе оди во Келн на кадетскиот Фајналфор.
Андреј Георгиев имаше блесок со 12 гола и беше ѕвезда во победата од 24-23. Јован Симоновски, кој постигна пет гола, Павел Вељановски, Тео Спировски и Стефан Василевски постигнаа по два гола, додека Горазд Мијалчев беше стрелец на еден гол. На голот одличен беше Јован Мацанковски. Екипата од клупата ја водат тренерите Фарук Мемиќ и Кире Митревски.
Е. Пелистер минатата сезона настапи на фајналфорот во оваа конкуренција.
