Најскапите билети за петтиот натпревар од финалната серија во НБА-лигата меѓу Денвер нагетс и Мајами хит кај препродавачите чинат неверојатни 50.000 долари, пишува „Денвер пост“.
Денвер води со 3-1 во победи во серијата која се игра до четири победи и вечерва кошаркарите на тимот од Колорадо пред своите гледачи ја имаат првата меч-топка да дојдат до титулата.
„Денвер пост“ пишува дека сите влезници за вечерашниот натпревар се распродадени, додека билетите на црно се продаваат и за 50.000 долари.
„Достапни се само неколку влезници, и тоа за седишта кои се блиску до теренот и тие се продаваат до 10.000 долари. Сопствениците на билетите ќе имаат две можности, да го задржат својот билет и евентуално да бидат сведоци на историја или да ги препродадат билетите за огромна сума“, стои во текстот на „Денвер пост“.
