Португалскиот фудбалер Луиш Нани изјави дека му бил учител на Кристијано Роналдо и дека славниот Португалец многу работи научил од него. Нани и Роналдо долго играат заедно за националниот тим, а беа соиграчи и во Манчестер јунајтед.
Запрашан кои петмина би ги зел во својот тим за фудбал на мали голчиња, Нани ги селектираше Кристијано Роналдо, Бруно Алвеш, Пол Сколс, Деко, а на голот би бил Давид де Хеа.
„За голман го бирам Де Хеа. За мене тој е еден од најдобрите на светот и мој добар пријател, но треба да си земе очила бидејќи не гледа ништо без нив. Деко е еден од моите идоли, научив многу од него. Бруно Алвеш е многу добар техничар како за дефанзивец. Кристијано Роналдо во напад, со целото негово знаење и брзи нозе. На многу работи го научив во младоста. Го учев, тој си знае дека е така“, рече фудбалерот на Орландо сити.
