Поранешниот португалски фудбалер Нани се најде во центарот на вниманието откако доби црвен картон на дуелот меѓу Орландо и Колумбус. Нани е капитен на Орландо, а на последниот меч играше само до 54-тата минута, кога беше исклучен.
По една акција, Нани обидувајќи се да сочува една топка пред противникот, невнимателно стартуваше врз топката, но истовремено удри и еден од противничките играчи. Судијата досуди фаул за Колумбус, а Нани заработи жолт картон. Подоцна арбитерот доби сигнализација да го провери стартот со ВАР-технологијата, а по гледањето на повторената снимка, Нани заработи црвен картон.
Нани не можеше да верува во оваа одлука и со солзи во очите го напушти теренот. За среќа на Нани, Орландо и со играч помалку стигна до победа од 2:1.
Некогашната ѕвезда на Манчестер јунајтед во МЛС во Орландо пристигна во февруари минатата година. Во 55 настапи, даде 19 погодоци досега. Во кариерата има настапувано и за Спортинг, Фенербахче, Валенсија и Лацио.
Во дресот на португалската репрезентација, Нани на 112 меча постигна 24 погодоци.
Cheers Nani's crying. Nice one. 😢
The former #MUFC winger was in tears after being sent-off in Orlando's #MLS clash with Columbus Crew…🟥 pic.twitter.com/XDlJaFGlhl
— Sky Sports (@SkySports) November 5, 2020