Управата на Наполи активно работи да го засили тимот во овој преоден рок, но исто така заврши дел од работата за летниот шопинг. Лоботка и Деме се преселија на „Сан Паоло“ овој месец, додека од јуни ќе се придружи и Андреа Петања, напаѓачот на СПАЛ.
Наполитанците потрошија 17 милиони евра плус бонуси за италијанскиот голгетер, кој оваа сезона брои осум погодоци во Серија А, а до крајот на сезоната ќе остане во редовите на СПАЛ како позајмен играч.
Петања инаку потекнува од школата на Милан, додека поранешниот селектор Џампјеро Вентура во 2017 година му даде прилика да дебитира за италијанската репрезентација.
