Старт како што можеше да посакува македонската фудбалска репрезентација на арената „Филип Втори“. За неполни 10 минути, „црвено-жолтите“ донесоа радост на трибините. Александар Трајковски погоди за водство на Македонија од 1:0.
По една одлична акција, Пандев асистираше во празно кон Трајковски, а овој од околу 11 метри биеше во десниот горен агол. Само две минути по погодокот на Трајковски, лесно можеше да биде и 2:0, но Хасани шутираше над голот.
