Претседателот на Баерн Минхен, Херберт Хајнер, извршниот директор Јан Кристијан Дрезен, и спортскиот директор Макс Еберл, меѓу првите му ја честитаа првата шампионска титула на Баер Леверкузен во Бундеслигата.
Леверкузен после 29 кола во кои нема пораз, го обезбеди првото место, и ја прекина серијата на Баерн од дури 11 титули по ред.
„Честитки до Баер Леверкузен за историската прва бундеслигашка титула на клубот. Титулата е апсолутно заслужена, тоа е награда за извонредната сезона и одличниот фудбал. Нашата серија е прекината, но тоа ни е мотив за следната сезона. Целта на Баерн е трофејот да се врати во Минхен! Се гледаме во новата сезона“, стои во соопштението на веб-страницата на Баерн.
Баварците му честитаа и на нивниот некогашен играч Чаби Алонсо, кој сега е тренер на Леверкузен.
