Нејмар не беше во составот на Сантос за првенствениот меч против Интернационал поради повреда, но последните информации од Бразил велат дека тој ќе ја одложи операцијата на коленото.
Сантос е во зоната за испаѓање, а до крајот на првенството има уште три кола, па Нејмар одлучил да ја одложи операцијата за да им помогне на соиграчите, но и на матичниот клуб да се спасат од испаѓање.
Лекарите предупредуваат дека при евентуален настап, повредата може да се влоши и тој да ја заврши кариерата, но едно е јасно, Нејмар ќе биде дел од составот на Сантос за мечот против Спорт Ресифе викендов.
Договорот на Сантос и Нејмар истекува на крајот од оваа календарска година, но и кај двете страни постои расположение да биде продолжен. Сепак, доколку клубот испадне во понизок ранг, тогаш и Нејмар ќе мора да си бара нова фудбалска средина.
