Второто коло во англиската Премиер лига почнува утре, а со тоа и втората рунда на Фантази лигата на Спорт Манија, во која засега има околу 400 „менаџери“ кои составуваат тимови од играчи од англиското првенство и се надеваат на вредносни ваучери од Sport Life.
Ако не сте приклучени, кодот за влез во Спорт Манија лигата е: zc6qmk
Најуспешниот во секое коло добива ваучер од Sport Life од 300 денари, вториот од 200 денари, а третиот ваучер од 100 денари.
Вакви подароци од Sport Life ќе има за првопласираните тројца во сите 38 кола сезонава, a најдобрите тројца ќе бидат оние кои ќе бидат на првите три места според рангирањето на официјалната страница на Фантази Премиер.
Инаку, петтемина фудбалери кои на светско ниво најмногу биле бирани за капитени во првото коло се: Мохамед Салах, Габриел Жезус, Хари Кејн, Ерлинг Халанд и Сон Хеунг-мин. Од нив, Салах и Халанд носеа најмногу поени во првото коло.
Интересно е што Салах никогаш не постигнал гол во второ коло од една сезона во Премиер лигата, па затоа размислете двапати дали да го сместите во составот.
Олександр Зинченко е играч кој откако во првото коло беше корисен и донесе солидна сума на поени, сега котира високо меѓу фудбалерите кои се најдоа во составите за втората рунда, а „фантазерите“ го немале во својот тим во првото коло.
Поскапеа играчи како Дарвин Нуњес, Мартинели, Кулушевски, а им паднаа цените на Нкетија, Смит Роу, Марсијал, Маркос Алонсо, Воткинс, Чалоба, Регилон…
На светско ниво има речиси 8,5 милиони менаџери кои ја играт оваа популарна игра, а најдобриот тим по првото коло има освоено дури 119 поени, и тоа најмногу благодарение на трипл-капитен џокерот искористен на Ерлинг Халанд. Во лигата на Спорт Манија најдобриот имаше 98 поени.
