Во фудбалот се можни секакви пресврти, но пресвртот кој се случи на меч од втората фудбалска лига во Летонија е повеќе од неверојатен. Играа екипите на Динамо Рига и Тукумс, а домаќините одиграа одлично прво полувреме, па по првите 45 минути водеа со 3:0.
Играчите на Динамо Рига упатија дури 10 шута кон противничкиот гол, а три завршија во голот на гостите. Сепак, во второто полувреме се случи нешто чудно. Домаќините коишто доминираа во првите 45 минути, во вториот дел едноставно како да исчезнаа од теренот и не успеаја да шутнат ниту еднаш кон голот на противникот.
Фудбалерите на гостинскиот тим Тукумс доминираа на теренот, упатија дури 15 удари кон домашниот гол, девет беа во рамките, а четири завршија во мрежата. Сепак, снимките покажуваат дека дел од погодоците беа многу необични, но без разлика на тоа како беа постигнати погодоците, гостите на крајот победија со 4:3.
1. puslaiks: rezultāts 3:0, sitieni 10(5)-5(4)
2. puslaiks: rezultāts 0:4, sitieni 0-15(9)#pargodīguspēli pic.twitter.com/RaBonJqF2f
— Bałtycki futbol latviski (@BFlatviski) October 7, 2023
