Мечот од втората романска лига меѓу екипите на Волунтари и Бихор ќе се памти, но не по фудбалски мајстории, туку поради една бизарна ситуација.
Се играа последните моменти од мечот кога на теренот тешко се повреди еден фудбалер и мораше да интервенира возилото за Брза помош. Во текот на мечот врнеше пороен дожд, а теренот изгледаше ужасно, па кога Брзата помош влезе на теренот, едноставно заглави во калта.
За да може Брзата помош да излезе од теренот, фудбалерите на двата тима мораа да го туркаат возилото за да го извадат од калта.
„Ова е нереално дури и за стандардите на романскиот фудбал“, беше коментарот на романскиот спортски новинар Емануел Росу.
This is surreal even by Romanian football standards. The players of Voluntari and FC Bihor (L2) needed to push the ambulance because the raim destroyed the pitch. Horrible injury just before the final whistle. pic.twitter.com/WhzdJOJzdQ
— Emanuel Roşu (@Emishor) April 30, 2026
