Оклахома сити тандерс стигна до историска победа во дуелот против Портланд трејблејзерс триумфирајќи со неверојатни 139:77. Ова разлика од 62 поенa е петта најубедлива победа во историјата на НБА-лигата и нов клупски рекорд на Оклахома, која претходно најмногу имаше славено со 45 разлика.
Интересно е дека најголемиот пораз во историјата го има токму Оклахома, кога на 2 декември 2021 година загуби со неверојатни 79 поени разлика на гостувањето кај Мемфис, резултатот беше 152:73. Оклахома ноќеска можеше да се тргне од таа листа на најголем пораз во историјата, затоа што по три четвртини имаше водство од 118:56 (62 разлика) и доколку во последната четвртина продолжеше во ист ритам, предноста можеше да стигне и до 80 поени, но во последната четвртина резултатот беше егал и остана предноста од 62 поена.
Во останатите мечеви кои се одиграа ноќеска: Милвоки – Бостон 135:102, Далас – Њујорк 128:124, ЛА лејкерс – Феникс 109:127.
