Ни Реал нема моќ да прегрми автогол и утнат пенал и загуби од Мајорка (Видео)

Мајорка приреди изненадување во Ла Лига со победа од 1:0 против Реал Мадрид и речиси го отпиша Кралскиот клуб од трката за титулата.

Гостите од Мадрид одиграа многу слаб меч и заслужено загубија од Мајорка. Се пкажа дека ниту најтрофејниот клуб во Европа нема моќ да прегрми меч на кој си постигна автогол и промаши пенал.

Во 13. минута Начо Фернандес сам си ја затресе мрежата, па Мајорка поведе со 1:0 и успеа да ја сочува до крајот на мечот.

Реал Мадрид пристигна на Палма со многу проблеми и без неколку повредени играчи, а на еден час пред мечот отпадна и голманот Куртоа, па во тимот ги немаше и Бензема, Милитао, Азар, Менди и Лукас.

Кралевите имаа шанса да се вратат во мечот, но Асенсио промаши пенал, односно ударот од белата точка му го одбрани српскиот репрезентативец Рајковиќ.

Со поразот Реал остана на второто место во Ла Лига со 45 бода, пет помалку од лидерот и вечен ривал Барселона, а Каталонците имаат одиграно еден натпревар помалку. Мајорка е десетта со 28 бода.

Утре Реал Мадрид ќе патува за Мароко за да го одигра полуфиналето на Светскиот клупски куп против Ал Ахли.

 

- Оглас -

Најнови вести