Ники Бат избегна казна, веројатно и затворска, откако е ослободен од обвинението дека ја претепал сопругата Шели Барлоу лани во април.
Поранешниот фудбалер на Манчестер јунајтед од шампионската генерација што доминираше во Англија и освојуваше титули се спаси од обвинение за претепување на сопругата Барлоу, која прво го пријави за насилство, но потоа и го спаси.
Шели не достави докази до судот дека била физички малтрерирана од 45-годишниот сопруг, па Бат е ослободен и судската постапка е прекината.
Бат моментно е тренер во фудбалската Академија на Црвените ѓаволи, а веќе плати штета од 800 фунти бидејќи ѝ го искршил мобилниот телефон на својата сопруга.
Ники играше за Манчестер јунајтед и потоа и за Њукасл, Бирмингам, а кариерата ја заврши во Кина.
