Германскиот гигант Борусија Дортмунд потврди дека Нико Ковач е нивен нов тренер. Ковач потпиша договор до јуни 2026 година, што значи дека во следната една и пол сезона треба да биде на кормилото на екипата која секогаш има амбиции за освојување на трофеи.
Ковач дебито на клупата на Милионерите ќе го има в сабота, и тоа против тимот на Хајденхајм во 20-тото коло на Бундеслигата. Голем предизвик го чека Ковач во новиот клуб. Борусија минатата сезона играше во финалето на Лигата на шампионите, каде што загуби од Реал Мадрид, а сезонава игра многу послабо, па не случајно е на 11-тото место на табелата во домашното првенство дури со 22 бода помалку од водечкиот Баерн Минхен.
Борусија се пласира и во осминафиналето од Лигата на шампионите, што значи дека уште е дел од елитното европско друштво. Ковач ја започна тренерската кариера во Ајнтрахт Франкфурт во 2016 година, тим со којшто се радуваше на трофејот во Купот на Германија.
Потоа седна на клупата на Баерн Минхе со кого се радуваше на двојна круна во сезонаат 2018/19. Си замина од кормилото по убедливиот пораз, и тоа токму од Ајнтрахт со 1:5. Потоа работеше како тренер во Монако, па се врати во Германија и беше на чело на Вофсбург, каде што доби отказ минатата сезона и оттогаш беше без работа. Сега има голем предизвик во Борусија Дортмунд.
