Крилниот напаѓач на Атлетик Билбао, Нико Вилијамс, уште еднаш изјави дека е среќен во својот сегашен клуб. По неговото одлично претставување на ЕВРО 2024, Барселона покажа голем интерес за него, а и Челзи и Арсенал исто така ја следеа неговата ситуација и беа подготвени да го ангажираат.
Сепак, тој не размислува за заминување од Билбао.
„Не размислувам за тоа. Навивачите на Атлетик Билбао се многу среќни што останав, а јас сум среќен што сум тука. Билбао е мојот дом. Сакам да продолжам да уживам тука. Отсекогаш сум бил јасен во своите желби“, изјави Нико Вилијамс.
Тој вели дека е фокусиран на игрите во својот клуб.
„Мислам дека играм добро и се обидувам да го издигнам Атлетик на врвот во Шпанија и Европа. Финалето на Лига Европа на „Сан Мамеш“ многу не возбудува. Тоа е единственото важно сега. Ние фудбалерите мораме да живееме со трансферните шпекулации. Фудбалот функционира на овој начин, со интерес од клубови, медиуми, играчи… Тоа не е ни добро, ни лошо, едноставно е така и не влијае на мојата игра. Јас продолжувам да си ја вршам својата работа“, додаде напаѓачот на Атлетик Билбао.
