Македонските навивачи веќе со години се профилирани како едни од најдобрите на европската ракометна сцена, посебно кога игра нашата репрезентација на голема сцена. Така е и сега, на Европското првенство во Данска.
Македонската фаланга ужива голема репутација во Хернинг, градот каде што Македонија веќе одигра два меча од ЕП, а сега сите се подготвени за клучниот меч, тој против Романија.
Одлично расположение владее кај нашите навивачи, кои се главни за создавање добра атмосфера во фан-зоната во изминативе неколку дена. Така е и сега, пред мечот со Романија.
Македонија се надева со убедлива победа над Романија, но и доволно висок триумф на Данска против Португалија, да го освоиме второто место во групата за да останеме во главната фаза.
