Екипата на Фрајбург сепак одлучи да прати жалба до Фудбалската федерација на Германија поради тоа што неколку секунди Баерн Минхен играше со 12-мина играчи на теренот.
Иако тренерот на овој тим, Кристијан Страјх, очекуваше од раководството да не испрати жалба, бидејќи тоа не влијаеше на поразот од 1:4, сепак, се случи спротивното, а има и логика во сето тоа.
Фрајбург веќе ја испрати жалбата, а се надева дека тимот ќе добие службена победа и три бода, што би биле значајни во борбата за пласман во Лигата на шампионите.
Тие во моментов имаат 45 бода и се пласирани на петтото место, а со дополнителни три, ќе имаат исто колку и четврттопласираниот РБ Лајпциг.
„Одлучивме да испратиме жалба до Фудбалската федерација на Германија бидејќи ние на никаков начин не исфорсиравме грешка за да се направи оваа ситуација од противничката екипа.
Јасно е дека правилата се прекршени и се надеваме на чесна одлука од ФС на Германија“, стои во дел од соопштението на Фрајбург.
А за тоа како настана и кој ја направи целата брканица, можете да прочитате овде.