Клеј Томпсон одигра неверојатен меч против Чикаго булс. Шутерот на Голден стејт постави нов рекордер по бројот на постигнати тројки на еден меч. Успеа да погоди 14 пати зад линијата за три поени и го сруши рекордот на клупскиот соиграч Стеф Кари, кој имаше погодено 13 тројки на еден дуел.
Да биде уште поневеројатно, Томпсон рекордот го сруши уште во средината на третата четвртина. Рекордната 14-та тројка ја погоди за водство на „воините“ од 113:69. Голден стејт славеше со убедливи 149:124, а на полувремето гостите водеа со 92:50. Овие 92 постигнати поени на полувреме се втор најефикасен скор на еден тим по 24 минути игра. Феникс даде 107 поени во победата од 173:143 против Денвер во 1990 година.
Историскиот меч Томпсон го заврши со 52 поени. Интересно е што во првите седум меча шутерот на Голден стејт имаше постигнато само седум тројки од 36 обиди од далечина, а ноќеска погоди рекорди 14 пати, и тоа само за 26 минути поминати на теренот. За да го постави рекордот, потребни му беа 24 удари од далечина.
