Ниту присуството на Новак Ѓоковиќ не им помогна премногу на Србите во битката за трофејот во тенискиот Дејвис куп. Русија ја совлада Србија со 2-1, а клучната победа беше во двојки и тоа во тај-брејк во третиот сет. Хачанов и Рублев ги совладаа Ѓоковиќ и Троицки, откако нашите северни соседи испуштија три меч-топки.
Најдобриот српски тенисер во сингл си ја заврши работата, го надигра Хачанов, но Рублев беше подобар од Крајиновиќ, па решавачки беше дублот. Првичните најави беа дека ќе играат Типсаревиќ и Троицки, но во последен момент влета Ѓоковиќ на местото на Јанко Типсаревиќ.
Во полуфиналето, Русија ќе игра со Канада. Вечерва играат Аргентина – Шпанија и Велика Британија – Германија.