Мртвата трка за титулата во англиската Премиер лига, каде што три тима се со еден бод разлика, го прави тоа првенство најинтересно во Европа, а по секое коло, се прават прогнози за освојување на титулата.
Ако мислењето на аналитичарите може да се нарече субјективно, тогаш мислењето на компјутерите изгледа доста интересно бидејќи е лишено од емоции и се базира врз гола статистика.
Компјутерот на најголемата аналитичка и статистичка компанија за процеси во фудбалот, ОПТА, често се нарекува Суперкомпјутер. До петокот, фаворит на суперкомпјутерот за освојување на трофејот беше Ливерпул. Шансите на Црвените беа проценети на 45%, па следуваше Манчестер сити со 33,6, а потоа Арсенал со 21,4%.
Сепак, натпреварите од викендот го сменија тоа.
Сега Манчестер сити е прв фаворит со 39,7% шанси, потоа Ливерпул со 31,3%, а трет е Арсенал со 29%. Интересното е што вистинскиот пласман на табелата е токму спротивен. Топчиите се во водство, по нив се Мерсисајдците, а трети се Граѓаните.
Ако Арсенал ги добие сите мечеви до крајот на сезоната, ќе биде шампион.
Инаку, на првак на Премиер лигата може да се обложите и во Sport Life. Според квотите, најголеми шанси му се даваат на Сити, па на Арсенал, додека Ливерпул е трет на листата на фаворити.
